CEBU, Philippines - Nagmalinawon ang unang adlaw sa Asia-Pacific Economic Meet dinhi sa Sugbo nga gisugdan kagahapon tungod sa maayo nga koordinasyon sa mga ahensiya nga nagpaluyo sa mao nga kalihokan, matud sa direktor sa Police Regional Office-7.
Si Chief Superintendent Prudencio Tom Bañas, ang direktor sa PRO-7, nagkanayon nga bisan pa man adunay nag-rally kagahapon atol sa pagbukas sa APEC summit, wala kini makaapektar sa kalihokan.
“May nag-rally pero mga 40 lang yata yun. Naglakad lang naman sila. Walang violent na reaction sa mga rallyista,” matud ni Bañas.
Sigon ni Bañas nga dako’g natabang ang kapulisan nga nagagikan sa laing probinsya sa Central Visayas ug mga traffic personnel sa pagpatuman sa kalinaw sa Sugbo sa unang adlaw sa APEC summit.
Siya miingon nga andam na pud sila sa pagbisita ni Bise Presidente Jejomar Binay karong adlawa apil na ‘sab sa pagbisita ni Presidente Benigno Aquino III, ugmang adlawa.
“Mayroon na kaming security preparation para sa kanila. Ready na kami para diyan,” sigon ni Bañas.
Si Bañas mipahimangno sa katawhan nga mokooperar sa kalampusan sa APEC Meet sa Cebu nga unta dili makadala og bati nga impresyon sa atong nasud sa mga mata sa mga langyaw nga delegado. (BANAT NEWS)