CCTV footages wa nakaklaro sa gunmen

CEBU, Philippines – Gisubay karon sa Investigation Detection and Management Bureau (IDMB) sa Mandaue City Police Office (MCPO) ang mga kopya sa footages sa close-circuit television camera sa  crime scene sa Brgy. Looc diin gibanhigan patay si Atty. Amelie Ocañada Alegre ug duha ka mga kauban sa miaging semana.

Si Superintendent Michael Anthony Bastes, hepe sa IDMB sa MCPO miingon nga pipila sa video footages nga ilang nakuha dili maklaro ang mga mamumuno kay nasalipdan sa mga nanglabay nga dagkong trak.

Gawas sa footages, nagtinguha karon sa paghimo og cartographic sketch base sa paghulagway sa mga saksi ngadto sa mga mamumuno.

Sa nasayran nga si Alegre napatay sa mga gunmen ug naangol usab sila si Atty. Briccio Joseph Boholst, ug ang ilang kawani nga si Antonio Pino dihang gipamusil sa mga mamumuno nga nagsakay og motorsiklo.

Si Alegre kinsa buwag sa iyang bana adunay nag-ungot nga annulment case sa korte, gawas pa niini, gikatahong adunay kanhi kawani ang law firm nila ni Alegre ug Boholst nga gitaktak ug mibahad ngadto sa abogada. – /EIM) (BANAT NEWS)