CEBU, Philippines – Niduso og bag-ong petisyon sa Land Transportation Franchising and Regulatory Board si Kongresista Manuel Iway sa Negros Oriental aron ibalik sa P6 ang minimum nga plete sa mga jeepneys ug ibalik sa P2.50 matag kilometro human sa 300 metros sa taxi.
Sigun pa ni Iway nga barato na kaayo ang litro sa krudo ug gasoline.
Una’ng petisyon ni Iway ang pagpaubos sa P30 sa flagdown rate sa taxi gikan sa P40.
Matud ni Iway sa iya’ng petisyon nga himuong permanente ang P30 nga flagdown rate sa taxi ug ibalik sa 2.50 gikan sa P3.50 ang matag mosunod nga kilometro.
Matud sa Regional Director sa LTFRB-7, Reynaldo Elnar, nga moagi sa tukma nga proseso ang petisyon ug ipaubos sa hearing sa Board sa kaulohan.
Sutaon usab kung kinahanglan ba ang public consultation labot niini.
Gipaabot nga ikatulo’ng semana niini’ng buwana paminawon sa Board ang petisyon. – /GMR) (BANAT NEWS)