CEBU, Philippines - Simbahan sa Iglesia ni Kristo sa Sitio Gahad, Poblacion, Sibonga gilungkab ug gipanguha ang mga gamit niini.
Ang ministro sa maong simbahan nga si Jeffrey Arroyo, 40, nagpuyo ra sab sa INC quarters kilid sa maong simbahan maoy nakadiskubre niini niana nang pagkabuntag.
Matud pa ni Police Officer 3 Arnold Frenal sa Sibonga Police nga nahinabi sa Banat News nga posibleng giatol kini sa mga kawatan dihang nagbunok ang ulan.
Gikatahong gilugit sa mga kawatan ang door knob sa pultahan ug gikawat ang 40 inches nga flat tv nga hinuwaman sa simbahan sa usa nila ka miyembro.
Gisubay pa sa mga otoridad kung duna ba’y kuha sa close circuit television (CCTV) ang maong hitabo aron pag-ila sa responsable. (BANAT NEWS)