Anak himuong testigos sa gang rape

CEBU, Philippines - Himuong testigos ang menor de edad nga anak sa biktima sa gang rape sa dakbayan sa Naga.

Kini aron malig-on ang kaso nga ipasaka batok sa mga suspek suma  pa ni Bise Gobernador Agnes Magpale, chairman sa Provincial Women’s Commission.

Matud niya nga ang biktima gibutang na nila sa safety nga lugar ug ang bana usab niini ubos karon sa ilang kostudiya ug ang mga anak sa biktima.

Kuhaan og “supplemental affidavit” ang bana sa biktima ug ang PWC ang mopasaka sa kaso ngadto sa korte.

Ang mao’ng pamilya giingong dili lumad nga taga Naga ug gikan sa Mindanao ug nianhi lang sa Sugbo aron mangita og panginabuhian.

Apan giingong posible’ng biktima sila sa “bully” o gikabuangan lang sa ilang silingan.

Ang PWC manginlabot sa kaso sanglit babaye ang biktima.

Ang magsuon nga Leonardo ug Nelson Labrado nga nagpuyo sa nahisgutang siyudad kinsa gitumbok nga suspek sa pagpanglugos sa biktima nga lima ka buwan nga mabdos ang nasikop sa kapolisan.

Ang pagpanglugos nahitabo diha’ng ang bana sa biktima wala pa mouli gikan sa trabaho isip panday.

Ang maong insidente giingong gibuhat sa mga suspek atubangan sa duha ka menor de edad nga anak sa biktima.  (BANAT NEWS)