CEBU, Philippines – Gidakop sa kapolisan ang usa ka Korean nga nanghagis sa iyang board mate nga babaye sa sitio Pilit, Cabancalan, dakbayan sa Mandaue alas 5 pasado ang takna sa buntag sa niaging adlaw.
Si Police Officer 2 Uneversito Dumao niila sa suspek nga si Buo Siong Kim, 39-anyos, ug ang biktima mao si Milanie Young Nervada, 36, nagpuyo sa maong dapit.
Matud ni Dumao nga nagmaoy sa kahubog nga nahiuli sa gipuy-an ang Korean ug gibadlong sa biktima tungod sa ka saba niini.
Gikasuko sa langyaw ang pagbadlong hinungdan sa ilang panaglalis nga misangko sa pagpangulata niini.
Si Dumao niingon nga nangayo og police assistance ang biktima hinungdan nga ilang gidakop ug positibo kini sa ilimno'ng makahubog dihang ilang gipaubos sa liquor test hinungdan sa pagkatanggong sulod sa detention cell. – /GMR) (BANAT NEWS)