CEBU, Philippines - Kapin sa P40 mil ang kantidad sa mga butang ug salapi nga nakuha sa mga kawatan nga milungkab sa usa ka balay sa Barangay Poblacion, Pinamungajan kaniadto’ng miagi’ng adlaw. Si Lee Rico wala sa iyang panimalay diha nga gisaka kini sa mga kawatan ug nanguha sa mga butang. Gikataho nga si Rico didto sa ospital nga nag-atiman sa iyang asawa.
Ang mga kawatan didto miagi sa likod nga bahin sa panimalay human niini giguba ang bung-bong sa balay ug didto gipanguha ang mga butang nga ilang nagustohan.
Gikuha sa mga kawatan ang tulo ka stand fans, mga kutsara, plato, relo, sunglasses, kuwarta ug alahas.
Ang kapolisan naghimo pa og imbestigasyon sa pamasin nga mahibaw-an kun kinsa ang nangawat sa balay ni Rico. (BANAT NEWS)