CEBU, Philippines - Nagtingkagol sa bilanggoan ang usa ka trabahante sa pension house human nasakpi nga namuso sa manag-uyab nga nag-sex sa barangay Basak, dakbayan sa Sugbo niadto’ng nakalabay nga hapon.
Ang suspek giila nga si Arly Presillas, 20, ulitawo nga taga sitio San Roque, barangay Mambaling.
Ang ningreklamo mao ang hingkod nga manag-uyab nga taga Kapalung, Davao Del Norte kinsa nagtrabaho sa Sugbo ug kasamtangan nga nagpuyo sa barangay Punta Princesa.
Matud ni SPO3 Sean Colobio, desk officer sa Mambaling Police Station, nga nakit-an sa duha ang trabahante sa pension house nga nanilip hinungdan nga dali nga nagpakitabang.
Kusganon’g gihimakak sa suspek ang pasangil apan pasakaan siya og kaso’ng unjust vexation. (BANAT NEWS)