CEBU, Philippines – Ang Provincial Disaster Risk Reduction Management Office (PDRRMO) mipahigayon og mitigation and prevention workshop nga gitambongan sa mga opisyal sa Local Disaster Risk Reduction Management Office (LDRRMO) sa kalungsoran kagahapon.
Ang hepe sa PDRRMO, Baltazar Tribunalo miingon nga 28 ka lungsod sa probinsya ang mitambong ug ang ikaduhang distrito nga maoy nagrabehan sa nangaging bagyo maoy kinadaghanan atol sa maong panagtigom.
Matud niya nga usa kini ka pamaagi aron mahibaw-an kung unsa'y mga kinahanglanon, unsa ang mga lakang nga gipatuman na sa matag lungsod ug unsa pay mahimo sa Kapitolyo kalabot sa pagresponde. – /EIM) (BANAT NEWS)