CEBU, Philippines - Giawhag ni Cebu Archbishop Jose Palma ang tanan sa pag-ampo og Oratio Imperata aron ilikay ang katawhang Filipino batok sa kabangis sa bagyong Ruby karong mosunod nga mga adlaw, ania ang pag-ampo nga giandam:
Labing Makagagahom ug Maluluy-on nga Dios
Magmugna sa Tanan.
Kaloy-I ang among katawhang Pilipino.
nga midangop kanimo tungod sa kabangis sa Bagyong Ruby!
Luwasa kami sa maong katalagman
Rindahi ang kapungot niini ug Ibalibag kini ngadto sa kahiladman sa kadagatan.
Ampingi ang among mga kinabuhi ug mga banay.
Panalipdi ang among mga katigayonan.
Hatagi kamig katakos ug pagpaubos nga magtinabangay
Alang sa kaayohan sa kadaghanan.
Ayaw tugoti nga kami mangahugno
Hinunoa, buligi kami sa imong pagtuo, paglaom,ug paghigugma.
Pahinumdomi kami nga tapos sa kangitngit adunay kahayag.
kining tanan among gipangayo sa ngalan ni Kristo among Ginoo.
Birhen sa Guadalupe. Ig-ampo mo kami
Senior San Jose, Ig-ampo mo kami
San Pedro Calungsod, Ig-ampo kami
San Genoviva, Patron batok sa mga katalagman ig-ampo mo kami.
Mga Santos ug Anghel sa langit, Ig-ampo mo kami ug panalipdi kami.
Mga Santos ug Anghel sa langit, Ig-ampo mo kami ug panalipdi kami.