CEBU, Philippines - Gidunggab sa makadaghang higayun ang usa ka babaye sa iyang kapuyo kagahapon sa Ermita, dakbayan sa Sugbo.
Ang biktima nga si Francisca Deluna, 45-anyos, giingong naghatud og pagkaon sa iyang anak diin nakadlawnan og duwa og computer games sa usa ka sudlonon nga bahin sa Ermita dihang gi-atangan sa suspek nga si Jesus Dibdib.
Matud ni PO1 Michael Singson nga seloso ang suspek ug magsige kini og away sa biktima.
Ang biktima nakaangkon og samad sa nagkadaiyang parte sa lawas ug gidala sa Cebu City Medical Center (CCMC) samtang gipangita ang suspek kinsa miikyas human sa insidente. (BANAT NEWS)