CEBU, Philippines - Naalkansi ang kagamhanan sa dakbayan sa Mandaue sa operasyon sa merkado publiko human naguba sa 7.2 magnitude nga linog sa niaging tuig.
Si Market Administrator Mosuline Suliva miingon nga sukad nahugno ang bag-ong merkado, daghan sa mga nag-okupar ang wala na namalik sa ilang pagpaninda.
Gikan sa 1,200 ka mga stallholders, katunga na lang ang naninda sa temporaryong stalls gawas sa naguba nga merkado.
Matud ni Suliva nga ang matag puwesto kaniadto ilang gipabayran og P70 matag adlaw apan karon tag P30 na lang.
Sa wala pa naguba ang merkado mokita kini og P2 milyones matag buwan apan karon anaa na lang sa usa ka milyon ka pesos. (BANAT NEWS)