Mike nisunod sa plano ni Tomas
CEBU, Philippines – Giklaro ni Cebu City Mayor Michael Rama nga wala’y angay ikasuko si kanhi mayor Tomas Osmeña kung himuong park ang Doña Pepang Cemetery.
Kini tungod kay igo lang siya nagsunod sa plano ni Osmeña dihang siya pa ang mayor.
Sa suwat nga gipadala kang Ricardo Cardinal Vidal pinetsahan og Hulyo 16, 2008, si Osmeña mihangyo nga i-donate ang maong yuta ngadto sa dakbayan aron himoong park.
Gikasuko ni Osmeña ang plano ni Rama nga paghimo sa sementeryo ngadto sa usa ka park sanglit maigo ang lubong sa iyang lolo ug ubang paryente. Apan giklaro ni Osmeña nga ang pagpalapad sa karsada padulong sa sementeryo ang iyang gihangyo kang Vidal. Si Rama miklaro nga gipanag-iya na sa dakbayan sa Sugbo ang yuta tungod kay gi-donate na kini sa Archdiocese sa Sugbo.
Ang kagamhanan sa dakbayan nigahin og P10 milyones nga pundo alang sa proyekto sunod tuig. – /GMR) (BANAT NEWS)
- Latest
