80,000 ka bata sa Toledo nabakunahan
CEBU, Philippines - Gikalipay sa City Health Department sa Toledo human nakab-ot ang 101 porsiyento nga nabakunahan nga mga bata batok sa tipdas.
Gipadayag ni Dr. Esperanza Canumay, labaw sa CHD, nga daku niyang kalipay ang maong kalampusan.
Ilang target ang 80 mil ka bata apan niabot sa kapin 81 mil ang nabakunahan sulod sa buwan sa Septiyembre ug tulo ka adlaw sa Oktubre.
Gilibot sa mga barangay health workers, nurse ug ubang staff sa CHD ang matag barangay sa siyudad alang sa pagbakuna sa mga bata nga nagpangidaron og usa ngadto sa singko anyos.
Matud ni Canumay nga bisan nahuman na ang massive immunization batok tipdas, pwede gihapon magpabakuna sa barangay health centers ug sa buhatan sa CHD.
Gipahibawo usab ni Canumay nga adunay mga tambal ang CHD alang sa hilanat, anti-rabbies ug anti-TB ug uban pa nga gikatakdang ipangapod-apod sa matag barangay. (BANAT NEWS)
- Latest
