CEBU, Philippines – Patay na nga nakita sa usa ka babaye iyang 42-anyos nga ka live-in partner nga gituohang nagpusil sa iyang ulo gamit ang revolver diha sa Sitio Sindulan, Tinaan, Naga City, Sabado sa alas 5:30 sa hapon.
Giila ang nagpakamatay nga si Jessie Planco, watcher sa usa ka cement factory sa Naga ug nagpuyo sa maong lugar.
Sa imbestigasyon sa kapulisan sa maong siyudad nga pinangulohan ni PO3 Alex Shalana nga pag- abot ni Juanita Siton, 48, misugat sa iyang panan-aw sa ilang kuwarto ang patay na nga lawas ni Planco ug diha sa tupad niini ang usa ka revolver.
Ang igsuon ni Juanita nga si Juanito Siton nakadungog og usa ka buto sa armas.
Ang kapuyo niini mipadayag sa kapolisan nga bag-ohay lang nagkalalis si Planco ug ilang anak nga babaye, human nasayran nga duna na’y gikarelasyon. -/EIM) (BANAT NEWS)