CEBU, Philippines - Nagkinahanglan og P4 bilyones ang Metropolitan Cebu Water District aron mapalambo pa ang ilang water service connection.
Kini ang gipahibawo sa general manager sa MCWD, Engr. Ernie Delco samtang gisaulog ang Water Month Celebration.
Sa pagkakaron, gibutyag ni Delco nga 55 porsiyento lang sa mga residente sa Metro Cebu ubos sa ilang coverage area ang ilang naserbisyohan og 43 porsiyento ang ilang demand. Tinguha sa MCWD nga patas-an ngadto sa 65 porsiyento ang demand sa tuig 2020.
Aron makab-ot ang target gikinahanglan nga doblehon ang ilang service connection matag tuig. (Decemay P. Padilla/GMR)(BANAT NEWS)