CEBU, Philippines – Minos ang kadaut nga mamugna ngadto sa kinaiyahan ug mga karaang kabilin sa pagtukod sa Bus Rapid Transit (BRT) System sa dakbayan sa Sugbo.
Kini ang gipasalig sa engineering consultant sa P9.48 bilyones nga BRT System.
Matud ni Michel Kerf, Transport & ICT Practice Manager sa East Asia & The Pacific sa World Bank, nga importante sa maong proyekto ang paghimo sa “detailed engineering design.” Gipasabot ni Kerf nga ilang ipaneguro nga ang tanang habig makabenepisyo sa proyekto ug ang mga mahinungdanong kabilin maprotektahan.
Ang detailed engineering design gikatakdang matapos sa unom ka buwan ngadto sa usa ka tuig ug isunod ang bidding.
Giingong 2,000 ka punoan sa kahoy sa Osmeña Boulevard ug Fuente Rotunda ang maputol sa agian sa rota sa BRT.
Apan gikataho nga ang memorial fountain sa Fuente Osmeña Circle dili maapektohan sa construction sa proyekto. - /GMR) (BANAT NEWS)