CEBU, Philippines – Ang assistant governor sa Bangko Sentral ng Pilipinas nga si Johnny Noe Ravalo mihangyo sa konseho sa dakbayan sa Sugbo nga abuton una ang tanang kadagkuan sa mga bangko sa Sugbo aron madungog ang habig niini kabahin sa planong ordinansa nga kinahanglang butangan og gwardiya ang mga automated teller machines. Sa report sa TV5 si Ravalo nagkanayon nga nakasabot siya sa tumong sa konseho apan nagtuo siya nga ang mga kriminal mangita gihapon og paagi nga makabiktima.
Matud ni Ravalo nga una ipatuman ang ordinansa makigkita una nila ang konseho sa Sugbo sa mga taga bangko kay sila man maoy mopasweldo sa mga gwardiya nga magbantay sa ATM machines. Ug sa maong sitwasyon posibleng ang bangko mobutang og dugang bayad o fees ug adto kini mahapak sa ilang mga kliyente. - /EIM) (BANAT NEWS)