CEBU, Philippines - Nag-una si Lapu-Lapu City Mayor Paz Radaza sa labing adunahang piniling opisyal sa dakbayan.
Sa iyang Statement of Assets, Liabilities and Networth (SALN) sa tuig 2013, iyang gideklarar ang P14.71 milyones nga bahandi.
Ang laing milyonaryo nga piniling opisyal sa dakbayan mao si Konsehal Florito Pozon nga mideklarar sa iyang net worth sa kantidad nga P10.78 milyones.
Si Konsehal Efren Herrera mideklarar sa iyang net worth sa kantidad nga P7.03 milyones.
Ang ikaupat mao si Konsehal Alexander Gestopa Jr. nga mideklarar sa iyang net worth nga P5.94 milyones.
Dugang mideklarar sa katigayonan sa iyang SALN mao sila si Konsehal Elias Berdin nga P5.55 milyones; Melissa Vidal, P4.95 milyones, Harry Don Radaza, P2.88 milyones; Roque Wagwag, P2 milyones; Eduardo Cuizon, P1.91 milyones; Bise Mayor Marcial Ycong, P1.42 milyones; Francisco Senerpida, P201,624; Leo Mercado, P24,000 ug Qyeeni Malingin-Amman, P18,221. (BANAT NEWS)