CEBU, Philippines - Gikatakdang ipatuman sa City Health Department sa dakbayan sa Toledo ang Operation Timbang alang sa kabataan sa tanang barangay. Gibutyag ni Dr. Tiburcio Dacalos, hepe sa City Health sa Toledo, nga mga bata nga nag-edad og 5 ngadto sa 10 anyos ang ilang hatagan og pagtagad ilabi na sa bukirang barangay.
Tumong sa maong Operation Timbang mao ang pagsuta sa matag barangay kun adunay mga bata nga matawag nga malnourish o kuwang sa nutrisyon sa lawas. Kini aron mahatagan sa sakto ug balanse nga pagkaon.
Gipahaum usab ang maong kalihukan sa pagsaulog sa Nutrition Month sa buwan sa Hulyo.
Base sa resulta sa survey sa Food and Nutrition Council sa nasud nga nagkataas ang gidaghanon sa kabataan nga mga malnourish. (BANAT NEWS)