CEBU, Philippines - Nasikop sa kapolisan sa lalawigan sa Sugbo ang duha ka tawo sa managlahing hitabo sa miaging adlaw. Nasikop sa Argao police ang usa ka Michael Sabellano, 28, molupyo sa barangay Capio-an sa maong lungsod.
Nakuha gikan kang Sabellano ang tulo ka gamay nga pakete nga shabu lakip na sa subject sa buy-bust ug mga drug paraphernalia, usa ka kalibre .45 nga pistola nga may upat ka bala ug P200 nga gituohang halin sa biktima.
Samtang nasikop sa guwardiya sa Tsuneishi Heavy Industries Inc. ang usa ka trabahante sa Metaphil Inc. human kini nagdumili sa paghunong dihang gipara kini.
Ang nasikop naila nga si Renato Pelago, taga Baybay II, Poblacion sa dakbayan sa Toledo. Kinsa gisikop ni Joel Pugoy nga usa ka guwardiya sa Tsuneishi kay nakuhaan og pito ka paketeng shabu.
Wala mohunong alang sa inspeksyon si Pelago maong gigukod, apan nakit-an nga duna kini gilabay ug dihang gipunit ni Pugoy shabu diay kini. (BANAT NEWS)