CEBU, Philippines - Patay ang usa ka 4-anyos nga batang lalaki human napasok sa ilawom nga bahin sa usa ka sports utility vehicle diha sa Sitio Cansimon, Barangay Tigbawan , Tabuelan.
Ang biktima giila nga si Jhonrey Matedios, residente sa maong dapit samtang ang drayber sa Mitsubishi Montero nga nakadasmag mao si Susan Sequillo taga Barangay Kinawahan, San Remigio.
Matud pa ni PO1 Jhonmark Asendiente sa Tabuelan Police Station nga nahinabi sa Banat News nagduwa ang bata sa gawas sa ilang panimalay kalit lang kini nga mitabok sa pikas nga bahin sa dalan ug nadasmagan sa maong sakyanan.
Ang drayber sa sakyanan midali pa unta og sakay sa bata sa iyang sakyanan hatod sa hospital, apan nakabsan gyud kini sa kinabuhi. Mitahan kini sa kapolisan ug human nagkasabot sa pamilya sa bata gibuhian kini. (BANAT NEWS)