Ginikanan sa giplastiran nasagmuyo

CEBU, Philippines - Nasagmuyo ang mga ginikanan sa masuso nga gituohang gi-plasteran ang baba sa usa ka nurse sa Cebu Puericulture Center and Maternity House, Inc. human mihatag og initial response ang maternity sa opisina sa Department of Health (DOH)-7 kagahapon.

Sa pagbisita nilang Ryan Noval ug Jasmine Badocdoc  sa buhatan sa DOH-7, nakabasa sila sa maong letter gikan sa maternity nga pinirmahan sa abogado sa tambalanan nga si Atty. Cornelio Mercado.

Matud ni Badocdoc, nadismaya siya sa resulta tungod kay gilimod sa mga nurses ug midwife ang ‘taping’ nga insidente.  Gikwestyon sab sa ospital ang kabalido sa litrato nga gi-post ni Noval ug Badocdoc sa ilang Facebook account diin nagsugod ang maong kontrobersiya.

Tungod niini, miingon si Badocdoc nga ilang legal council na lang ang mopadayag sa ilang mga lakang kalabot  sa maong akusasyon. (BANAT NEWS)