CEBU, Philippines - Mga kawani sa Bantay Dagat Task Force ug Coastal Management Board sa dakbayan sa Sugbo manglimpyo ug mananom sila’g mga bakhaw sa kabaybayonan sa gitawag og Tonggo, unahan nga bahin sa “Shell Island†nga sakop na sa Cordova.
Si Ranulfo Sebusa, executive director sa Bantay Dagat Task Force, mitug-an nga bisan og Sabado karong adlawa apan motrabaho sila sa pagpanglimpyo sa kadagatan.
Matud ni Sebusa nga ang ilang trabaho dili lang kay ang paggukod sa mga illegal nga mangingisda kun dili apil ang paglimpyo sa kabaybayonan ug pagtanom og bakhaw aron nga modaghan ang mga isda.
Matud ni Sebusa nga ang pagpanglimpyo sa kadagatan makapadaghan kini sa mga isda, ilabi na kun motubo na ang ipangtanom nila nga bakhaw.
Karong Hunyo, ang mga sakop ni Sebusa moapil usab sa paghimo og Coastal Clean-up sa kabaybayonan ug kasapaan sa dakbayan. (BANAT NEWS)