Bombero mopabantang sa publiko karong Pasko

CEBU, Philippines - Ang  Bureau of Fire Protection (BFP) sa dakbayan sa Mandaue mopabantang  sa ilang  presensiya sa  publiko  niining panahon  sa Pasko sa pagsiguro nga kalikayan ang mahitabong sunog.

Ning  maong  katuyoan ilibot  sa BFP  ang  ilang  mga  fire truck sa adlaw ug gabii ngadto sa kabarangayan nga magdala og public address system sa pagpahinumdom sa mga molupyo nga  likayan  ang  sunog.

Si  Mandaue City Fire Marshall Chief Inspector Ronaldo Orbeta miila  sa mga barangay nga kuyaw  sa sunog.

Kini  mao  ang  barangay  Opao, Mantuyong, Guizo, Looc ug barangay Umapad

Si  SFO1 Nilo Cosedo sa BFP sa maong dakbayan nga nahinabi sa Banat News miingon nga gawas nga higpit nilang gipatuman ang fire truck visibility sa kabarangayan,   nanghatag   usab  sila og mga basahon  sa mga molupyo.

Ang maong basahon nga ilang gipanghatag sa kabarangayan may mga  pahimangno sa mga molupyo sa paglikay sa sunog ug  ipapawong   ang switch   sa sugang dagitab sa panahon sa brownout.

Ibton  ang  plug   sa TV, aircon, electric fan, refregirator  ug  uban  pa  gikan sa mga outlet sa kuryente ug i-switch off  usab  ang  plangka.

Dugang pahimangno   nga  ipasusi  ang  mga  appliances   kun  aduna  bay  Imported Compliance Commodities (lCC) ug uban pa.

Si SFO1 Cosedo miingon nga niining pagsaulog sa Pasko 2013  higpit nga  idili   ang  pagpabuto  og firecracker o  rebentador ug sakmiton   kini sa kapolisan aron makamulta  ang molapas  sa balaod. (BANAT NEWS)