CEBU, Philippines - Duha ka mga tawo ang naangol samtang 38 ka balay ang naugdaw sa nahitabong sunog sa duha ka mga sitio sa Barangay San Nicolas, Cebu City kagahapon.
Ang naangol mao si Philip Abellanosa, 28, kinsa nakaangkon og samad sa walang tiil samtang napaso usab si Jeffrey Ortiz samtang sila nanghipos sa ilang mga butang.
Ang Sitio San Roque ug To-ong ang gilamoy sa sunog nga nagsugod sa panimalay sa usa ka Rosalie Gerat.
Wala pa hibaw-i kung unsay hinungdan sa sunog, apan usa ka Aiza Debalucos, nga paryente ra ni Gerat miingon nga nakit-an niyang naglalis ang iyang mga ig-agaw nga sila si Kevin ug Butch Rosales sa wala pa moulbo ang sunog.
Mipasangil si Debalucos nga duna siya’y nakit-ang daw dunay gibubo sa balay ang usa sa mga apo ni Gerat nga nag-away. “Mga tama na man sila kaayo,†matud pang Debalucos.
Apan si arson investigator Danny Relatado nagkanayon nga dili pa nila makompirmar ang maong report sanglit ilaha pa kining imbestigahon.
Ang managsuong Butch ug Kevin gikatakdang ipatawag alang sa imbestigasyon diha sa Bureau of Fire Protection.
Ang duha ka mga sitio nahimutang 700 ka metros ang gilay-on gikan sa national highway hinungdan nga naglisod ang mga bombero pagsulod sa dapit.
“Mga napulo ka mga hoses among gisumpay-sumpay una pami nakaabot sa sulod,†matud pa ni Relatado.
Sagad sa mga balay nga naugdaw ginama sa gay maong dali kaayong mikatap ug giisa ngadto sa third alarm, nakontrolar kini pagkahuman sa 20 minutos, gibanabanang P500,000 ang danyos sa maong sunog.(/EIM) (BANAT NEWS)