Radaza mibakwi sa una niyang mando bahin sa klase

CEBU, Philippines - Gibakwi ni Lapulapu City Mayor Paz Radaza ang deklarasyon niini   sa  pagpabalik sa klase sa mga tinun-an sa high school ug elementarya kagahapon.

Kini human sa pahibalo sa taga DepEd Lapulapu ug City Engineers Office ,  nga may 18 ka mga tunghaan ang nakaangkon og ginagmay nga kadaut sa ilang edipisyo hinungdan nga nakahukom si Mayor Radaza nga ipadayon ang klase karong semanaha.

Apan gumikan sa nasinating "aftershock" kagahapon sa buntag , daling gibakwi ni Mayor Radaza ang iyang deklarasyon ug mipakanselar  sa  mga  klase.

Iyang  gipapauli  ang mga kabataan ug  gimando  nga unya  na  kini pabalika sa  Nov. 4.

Matud pa ni Radaza nga mipatigbabaw ang iyang inahanong pagbati ngadto sa kabataan ilabi na nga delikado ang kanunay nga "aftershock" nga mga tay-og. (/WC) (BANAT NEWS)