Dul-an 200 mil sakong bugas gisubasta
CEBU, Philippines - Mikita og P233,413,083.60 milyones ang Bureau of Customs human sa pagsubasta sa 174,720 ka sakong bugas gikan sa 336 ka container vans kagahapon sa buntag sa Mariners Court sa Pier 1 dakbayan sa Sugbu kagahapon sa buntag.
Gipangunayan ni Customs District Collector Edward dela Cuesta ang pagtambong sa maong bidding.
Trayntay-sieyte ka mga lot ang gitagana sa 5,200 ka sinakong bugas ang gisubasta diin ang floor price niini mokabat sa P6,656,000 milyones matag lote.
Atol sa maong bidding 29 ka mga bidders ang misalmot human kini makapasar sa mga rekisitos sa Customs sa pagsalmot niini.
Ang mga misalmot sa bidding mao ang EBT Agro Commercial, Romeo Mariano Jr., Intercontinental Grains, Boss Merchandising, Nursery Farmers Irrigators Association Inc., Paracao Gen. Merchandise, Durongan Punta Womans Farmers MPC, Pacific Rim Harvester Inc., Angel Gabriel Trading, RPS Gen. Merchandise, Queen Mary Bakeshop, Queen Car Agri Store ug RBS Gen.
Lakip sa miapil mao ang Merchandise, Albay Trading, EAGA Prime Commodities, Goldwind Commercial, Blooming Dale Marketing, Pablita Amatong, Imelda Buenaventura, Jubilee Multitech, Charline Gen. Merchandise, MS Baylon Gen.Merchandise, River Valley Distribution, Aldrin Amatong, Malingas Multi-purpose Coop., Anne Tobias store, Dragon Grains Trading, Silver Gold Trading, Feardig Gen. Merchandise ug Top Grains Company.
Gikalipay ni Dela Cuesta ang gidaghanon sa mga misalmot sa bidding kung itandi sa 25 ka bidders ang misalmot niadtong Aug. 7 nga naggikan sa Luzon, Visayas ug Mindanao ug ang mga negosyante ug bugas sa Sugbu. (BANAT NEWS)
- Latest
