Election protest nila Suezo ug lagon gibasura
CEBU, Philippines - Gibasura sa Regional Trial Court sa dakbayan sa Toledo ang protesta sa nangapildeng kandidato sa pagka-mayor ug bise mayor sa niaging eleksiyon sa lungsod sa Tuburan.
Si RTC Branch 29 presiding Judge Ruben Altubar mibasura sa protesta nilang Rose Marie Suezo ug Daphne Lagon batok sa magsuong Mayor Democrito Diamante ug Bise Mayor Danilo Diamante.
Sa managlahing kamandoan nga gipetsahan og Hulyo 30, 2013, giklaro ni Altubar nga ang protesta “not sufficient in form and content.â€
“Nasuta sa korte nga wala, nan gi-dismiss,†matud pang Mayor Diamante sa mga tigbalita kagahapon sa Kapitolyo.
Wala na hinoon magtinguha ang mayor nga isumbalik pagkiha sila si Suezo ug Lagon. Si Suezo midagan pagka-mayor samtang si Lagon pagkabise-mayor ubos sa One Cebu Party batok sa mga Diamante sa Liberal Party.
Si Mayor Diamante nakakuha og 19,613 botos batok ni Suezo nga may 12,878 botos samtang si Bise Mayor Diamante nakakuha og 18,187 botos batok ni Lagon nga may 12,602 ka botos.
Kini ang nakapaaghat nilang Suezo ug Lagon sa pagprotesta sa resulta sa tanang 68 ka clustered precincts sa Tuburan nga adunay 34,491 nga rehistradong mga botante nga nakabotar.
Ilang gipasangil ang grabeng pagpanikas, anomaliya, terorismo ug uban pa nga giingong binuhatan sa mga Diamante.
Apan ang korte miingon nga wala makapakita og lig-ong mga ebidensiya sila si Suezo ug Lagon sama sa mga affidavit nga nagpamatuod sa ilang mga alegasyon. (/EIM) (BANAT NEWS)
- Latest
