SK ug Brgy registration magpadayon karong adlawa
CEBU, Philippines - Bisan pa man sa ulan, milinya gihapon ang mga buot magparehistro alang sa barangay ug Sangguniang Kabataan (SK) sa buhatan sa COMELEC Cebu City.
Bitbit ang ilang payong, naghuwat ang mga tawo nga gikan pa sa nagkalain-laing barangay sa dakbayan sa Cebu City diha sa maong buhatan kagahapon.
Matud ni COMELEC Cebu City North District Election Officer Atty. Marchel Sarno, partikular nga midagsa ang mga umaabot nga botante alang sa SK elections tungod kay klase man sila sa niaging mga adlaw.
“Ang atong average nga registration sukad Lunes for SK kay mga 600. Today (kagahapon), sa akong tan-aw naabot na ni og 1,500,†matud ni Sarno.
Dugang niya, midaghan usab ang mga nagparehistro alang sa barangay elections.
“Bisan nag-ulan, wala gyud sila nanguli. Naay nagdala og payong, ang uban mipasilong sa tents,†ang election officer namahayag.
Gitug-an usab ni Sarno nga nanawag si Mayor Michael Rama gahapon dihang mibunok ang ulan aron kumustahon ang kahimtang sa registration.
Base sa ilang records, ang North District duna nay 5,000 ka tawo ang nagparehistro gikan Lunes hangtud Biyernes samtang ang South District dunay 5,704.
Bukas ang registration alang sa barangay ug SK elections karong adlawa, Domingo kutob na sa Hulyo 31. (BANAT NEWS)
- Latest
