CEBU, Philippines - Gibutyag ni Mayor Michael Rama nga sakitan usab siya ug dili gyud unta gusto nga motangtang og mga kaswal nga kawani sa City Hall ingon man dili unta mohimo og paglahugay sa iyang mga department heads. Apan gibutyag ni Rama nga kun dili niya kini himoon posible nga bati kaayo ang pagtan-aw sa iyang mga supporters sa miaging eleksyon nga wala niya himoi og lakang kadtong mga kawani nga didto sa kaatbang midapig.
“You stand for what you believe, I salute you. But I will have a responsibility to all who take care of the people who stood for me. It hurts me but of course I have no choice,†giingnan ni Rama ang mga hingtungdan.
Matud ni Rama nga daghan gayud nga mga kaswal nga kawani ang iyang panangtangon sa katungdanan pinaagi sa dili na pag-renew sa ilang mga kontrata kun mapupos kini karong Hunyo 30.
Si City Administrator Jose Marie Poblete nagtuo nga dili gyud kaayo daghan ang dili marenyohan sa ilang kontrata apan padayon pa kini nga gihashasan sa mga opisyal sa City Hall nga gipangulohan ni Assistant Administrator Dominic Diño. (BANAT NEWS)