200 ka opisyal sa DENR misalmot sa kasaulogan niini
CEBU, Philippines - Gibana-banang 200 ka mga opisyales ug trabahante sa Department of Environment and Natural Resources (DENR-7) ang misalmot sa ika- 26 nga anibersaryo niini niadtong miaging Hunyo 10 ning tuiga nga gipahigayon dinhi sa rehiyon 7. Gipangunahan ni DENR 7 Regional Executive Director Isabelo Montejo ang maong selebrasyon inubanan sa mga regional directors nga nagagikan sa Mines and Geosciences Bureau (MGB-7) ug Environmental Management Bureau (EMB-7) ug usab upat ka Regional Technical Directors (RTDs). Ang maong aktibidad mihatag og gibug-aton sa ika 26 na nga pagkatukod sa buhatan sa DENR isip nag-unang ahensya sa gobiyerno nga responsable sa konserbasyon, pagdumala, kalamboan ug usab hustong paggamit sa kalikopan ug natural nga kinaiyahan sa nasud.
Kini nagsilbi usab isip pagbukas sa aktibidad sa selebrasyon sa environment month nga adunay tema nga “Think. Eat. Save†agi’g suporta sa adbokasiya sa United Nations nga mapalambo ang anti-food waste programs ug usab kampanya sa kakuwang sa pagkaon aron maminusan ang pag-imprinta sa pagkaon.
Gidayeg usab ni Montejo ang tanang opisyales ug empleyado sa DENR-7 tungod sa maayong trabaho niini sulod sa 26 ka tuig ug usab iya kining gidasig sa pagpadayon nga may paningkamot pag-ayo sa pagkab-ot sa labing taas nga matang sa pagdumala sa kalikopan. “More than just the goal of meeting our targets and accomplishing our required tasks, let’s have the heart of doing our job, let us love what we do, we will not stop for 26 years only, we will go beyond with the ‘bettering’ the best,†matud pa ni Montejo. (BANAT NEWS)
- Latest
