CEBU, Philippines - Gitawag ni independent vice-gubernatorial candidate Glenn Soco si acting Governor Agnes Magpale nga “political opportunist†tungod kay wala kini lig-on nga baruganan kung asa gyud nga partido si Magpale.
Mipasangil siya nga “paling-paling†si Magpale sa iyahang partido tungod kay kaniadto adto kini ni suspended Governor Gwendolyn Garcia.
“Where does she bring the province?†pangutana pa ni Soco tungod kay walay klaro ang pagpadagan ni Magpale sa probinsya tungod walay konkretong solusyon si Magpale sa mga problema sa Sugbu ug wala kini nabuhat aron molig-on ang legislation ug serbisyo sa Kapitolyo. Gikwestyon usab ni Soco ang pamahayag ni Magpale kabahin sa Suroy-Suroy Sugbu nga dili kini gamiton pamulitika tungod kay matud pa niya, klaro nga pamulitika ug kahibaw siya nga i-anunsyo gyud ang grupo ni Magpale sa mga lugar nga ilang masuroyan.
Dugang pa niya, wala mahiusa ni Magpale ang mga nagkalain-laing partido sa Sugbu nga iyaha untang trabaho isip acting governor.
Apan sa text message nga gipadangat ni Atty. Dara Acusar, ang tigpamaba ni Magpale sa The Freeman ang igsuong pamantalaan sa Banat News, nga dili angayang awayan ang isyu ni Soco tungod kay wala kini legal nga basehan.
Dugang pa ni Acusar, pamolitika ra ni Soco ang iyang mga gipagawas nga isyu .
Giklaro usab ni Acusar nga ang paghatag og mga tseke ni Magpale sa mga barangay health workers nga gisaad ni Garcia dili gikan ni Magpale tungod kay kini gikan sa provincial budget.
Dugang pa, wala pud gamita ni Magpale ang pagpanghatag og mga tseke aron mangampanya kay serbisyo ra kini sa administrasyon ni Magpale. (BANAT NEWS)