11 ka babaye na-rescue gikan sa bar
CEBU, Philippines - Onse ka mga babaye, na-rescue usa niini ang menor de edad human gironda sa kapolisan sa dakbayan sa Mandaue inubanan sa kadagkuan sa International Justice Mission (IJM) pasado ala-una sa kaadlawon kagahapon sa barangay Maguikay syudad sa Mandaue.
Ang kapolisan sa Investigation and Detection Management Branch sa dakbayan sa Mandaue, Women’s Desk ug IJM mipahigayon og surveillance kalabot sa report nga usa ka 17-anyos nga nawala sulod sa duha ka bulan ug nasuta nga nagtrabaho sa Sunrise Bar.
Si Inspector Sheryl Bautista ang hepe sa Mandaue City Police Women’s Desk mibutyag nga mipahigayon sila og surveillance sa maong bar ug dihang nag-positibo usa ka entrapment operation ang gihimo.
Sa pakisusi ni Bautista iyang nasayran nga walay business permit ang maong bar. Ila na usab nga nasayran nga adunay gikatahong sexual services nga gi-offer ang maong bar.
Dugang pa ni Bautista nga wala pay matumbok nga manager tungod kay wala man silay nakuhang business permit sa maong lugar.
Gidakop hinuon nila ang ‘mamasang’ ug ang cashier nga pulos ra usab namakak dihang gipangutana bahin sa alegasyong may menor de edad nga nagtrabaho sa ilang bar.
“Walay batan-on dihang nagtrabaho puros na insakto sa edad...sos..way batan-on diri nga nagtrabaho.â€
Ang mga na-rescue nga mga babaye kasamtangan pa nga anaa sa kostodiya sa Department of Social Welfare and Development (DSWD).(/EIM) (BANAT NEWS)
- Latest
