Koleksyon sa kamerkaduhan sa siyudad sa Sugbo misaka

CEBU, Philippines - Misaka ang koleksyon sa buhis sa kamerkadohan dinhi sa dakbayan sa Sugbo sa nakalabay nga tuig diin miabot og P50.2 milyones nga subra pa sa gasto sa maintenance sa tanang public markets.        

Si Market Administrator Raquel Arce miingon nga P24.3 milyones ra ang ilang gasto pagdumala sa kamerkadohan dinhi sa dakbayan maong duna sila’y surplus nga P25.9 milyones.      

 Ang record sa City Hall nagpakita nga matag tuig,  dili mahurot og gasto sa gilaing “operating expenses” ang koleksyon sa buhis ug abang sa mga stalls sa kamerkadohan.        Matud ni Arce nga sa miaging tuig ang dakbayan adunay gigahin nga sobra sa P50 milyones apan giisip ni Arce nga bisan pa niini sobra gihapon ang ilang surplus nga matag tuig tag kapin sa P20 milyones.        Sa tanang mga merkado dinhi sa dakbayan, ang Warwicks Barracks nga gitaliwad-an sa Freedom Park ug sa Carbon Market Unit 1, maoy labing ubos og koleksyon.      

Ang rason niini mao nga ang gihimong tindahan mao na lang ang daplin sa karsada samtang ang sudlonon nga bahin sa kanhi merkado gihimo na nga pinuy-anan.  (BANAT NEWS)