Mga krimen nikunhod karong tuiga-PRO-7

CEBU, Philippines — Base sa datos nga gihatag sa Police Regional Office(PRO)-7 nikunhod ang eight focus crimes sa Central Visayas ug nagpakita kini sa ka-epektibo sa ilang crime prevention strategies.

Gikan sa Enero hantod sa Oktobre ning tuig ang insidente nikunhod og 11.32 percent, pasabot ani mas menus og 382 ka mga kaso karon itandi sa miaging tuig.

Matud ni PRO-7 Regional Director Brigadier General Anthony Aberin ang eight focus crimes karong tuig naa lang sa 2,994 gikan sa 3,376 ka kaso sa tuig 2023.

Sa monthly data sa PRO-7 nagpakita nga ang Central  Visayas nakatala og 317 ka kaso niadtong Enero ug nisaka kini pag Marso nga niabot og 347 unya niubos pag Oktubre nga naa sa 241.

Ang eight focus crimes naglangkob sa murder, homicide, physical injury (PI), rape, robbery, theft, ug carnapping sa motor vehicles (MV) ug motorcycles (MC).

“This trend reflects a significant positive shift in crime patterns within our region. The observed reduction is a direct result of our collaborative efforts among law enforcement agencies to address crime comprehensively. Under my leadership, PRO7 will continue these initiatives," sigon ni Aberin. Samtang si Police Lieutenant Colonel Gerard Ace Pelare, tigpamaba ni PRO-7 Director Brigadier General Anthony Aberin mibutyag ang pagkunhod sa eight focus crimes resulta kini sa intensified police presence.

Makita ang kapulisan sa Central Visayas nga naa sa kadalanan kini subay na sab sa mando ni Aberin aron kun dunay magkinahanglan og tabang ma respondehan dayon.

"Usa na sa dakong factor gyud nganong nikunhod atoang crime occurrence sa Central Visayas," ni Pelare pa.  Laing factor sa pagkunhod sa mga kaso mao ang ilang agresibong anti-criminality campaign.

Kini sama pakigbatok nila sa illegal nga drugas nga diin gikan sa Enero hantod sa Oktubre niabot og P1.1 billion nga balor sa illegal nga drugas ang ilahang nakompiskar ug naa sab sa 7,000 ka mga drug suspects ang nadakpan.

Nakatampo sab ang tabang sa komunidad kay pinaagi nila duna sila'y nga impormasyon nga makuha.   IBM BANAT NEWS