CEBU, Philippines - Gitangtang na sa miaging hapon ang gibutang nga police line atubangan sa Office of the Governor sulod sa Kapitolyo subay sa kamandoan ni Police Regional Director Marcelo Garbo Jr.
Ang hepe sa Regional Public Safety Battalion (RPSB-7) Supt. Leopoldo Cabanag mibutyag nga nakita ni Garbo nga wala nay kasamok pang mahitabo sulod sa Kapitolyo.
Usa sa gikabalak-an kaniadto sa kapolisan mao ang pagdagsa unya sa mga supporters ni suspended governor Gwendolyn Garcia.
Gikuhaan na usab ang gidaghanon sa mga nagbantay nga polis apan pabalikon gihapon sila kun dunay mga kasamok nga motumaw. (/EIM) (BANAT NEWS)