CEBU, Philippines - Gipasakaan og kasong criminal ug administratiba sila si acting Governor Agnes Magpale ug pito ka mga opisyal tungod sa pag-padlock sa buhatan sa Office of the Governor.
Duha ka mga staffs sa gisuspensong si governor Gwendolyn Garcia ang mipasaka niini ngadto sa buhatan sa Office of the Ombudsman-Visayas niadtong adlaw nga Lunes.
Sila si Executive assistant V Elizabeth Francia ug security assistant IV Amor Pepito-Sarmiento mipasangil nga ang pag-padlock ni Magpale sa buhatan sa gobernador usa ka “grave abuse of authorityâ€, “gross misconductâ€, “conduct unbecoming of a public official,†“oppression,†ug nakalapas sa Section 3(a) of Republic Act 3019 o anti-graft and corrupt practices act and grave coercion.
Ang maong buhatan gimando ni Magpale nga pasirad-an niadtong Enero 30, 2013. Si Provincial Administrator Eduardo Habin, Acting Provincial Engineer Hector Jamora, Valentino Cruz, sa Civil Security Unit ug chief of Security sa Tactical Security Agency diha sa Capitol maoy mipatuman sa maong kamandoan.
Matud pa nila Francia ug Sarmiento, wala sila pahibaw-a nga i-padlock ang maong buhatan. Wala diha si Garcia atol sa pag-padlock tungod kay migawas na kini niana pang gabii ug miadto sa lungsod sa Oslob.
Lakip sa gipasakaan og kaso mao ang hepe sa Regional Public Safety Battalion (RPSB)-7 Police Supt. Leopoldo Cabanag, chief of staff ni Chief Supt. Marcelo Garbo Jr. nga si Sr. Supt. Eduardo Caranza, mga sakop sa RPSB-7 nga si Police Insp. Alvin Enguito, si Atty. Dara Acusar, Habin ug Jamora.
Apan si Garbo miingon nga igo ra silang ni-aksyon sa hangyo ni Magpale alang sa seguridad. (Mylen Manto sa The Freeman/EIM) (BANAT NEWS)