CEBU, Philippines - Gihugupan sa liboan ka mga debotos sa dakbayan sa Mandaue ang “Traslacion†sa imahen ni Sr. Sto. Niño ug Birhen sa Guadalupe gikan sa dakbayan sa Sugbu pag-abot diha sa siyudad kagahapon sa buntag.
Si Cebu City Mayor Mike Rama personal nga mihatod sa imahen ni Sr. Sto. Niño diha sa dakbayan sa Mandaue ug gisugat kini ni Mandaue City Mayor Jonas Cortes dayong procession niini ngadto na sa St. Joseph National Shrine sa dakbayan sa Mandaue.
Pag-abot sa Mandaue gidawat kini ni acting Governor Agnes Magpale , Cong. Luigi Quisumbing, Vice Mayor Glen Bercede ug mga konsehal sa dakbayan sa Mandaue uban ni Msgr. Adelito Abella, ang Kora Paruko sa St. Joseph National Shrine sa Mandaue.
Matud pa ni Msgr. Abella ikaduhang higayon na kining bag-ong pamaagi sa pagpahigayon sa “Traslacion†diin pag-abot sa imahen ni Sr. Sto. Niño ug Birhen sa Guadalupe gihimo ang re-enactment sa pagsugat sa Sagrada Pamilya.
Ang panaghiusa sa Sagrada Pamilya maoy gipahimug-atan sa unang selebrasyon ug indigay sa “Panagtagbo Festival†nga gipahigayon sa milabay’ng gabii sa dili pa ang “Traslacion†pagkabuntag.
Gipahinumduman ni Abella ang panaghiusa sa pamilya maoy lig-on nga pundasyon sa usa ka tawo sa iyang paningkamot sa kinabuhi kay ang gugma magsugod kini sa pamilya.
Gihulagway sa kapolisan nga mokabat sa 10 mil ka mga deboto ang misugat sa Sagrada Pamilya nga 24-oras nga mag-vigil sa mga debotos hangtod sa pagpahigayon sa “Fluvial Procession†karong adlawa. (BANAT NEWS)