CEBU, Philippines - Gialerto na karon sa kagamhanan sa lalawigan sa Sugbo pinaagi sa Provincial Veterinarian's Office ang tanang mga meat inspectors sa tibuok lalawigan sa Sugbo.
Kini aron kapugngan sa kagamhanan ang posibling pagdagsa sa mga double dead meat niining bulan sa Disyembre nunot sa pagsingabot sa adlaw’ng Pasko ug sa Bag-ong Tuig. Gitug-an ni Dr. Mary Rose Vincoy, ang hepe sa Provincial Veterinarians Office ngadto sa mga sakop sa media nga bisan pa man nga wala pa mosulod dinhi sa Sugbo ang mga pinayuhot nga mga double dead nga karne iya nang gimandoan ang tanang mga meat inspectors sa paghimo og monitoring sa mga ihawan og kamerkadohan dinhi sa lalawigan.
Gitug-an usab ni Vincoy nga dilikado sa panglawas sa usa ka tawo kun kini makakaon og double dead nga karne kay dili matag-an niini kun unsay matang nga sakit sa maong karne nga motakboy sa mga konsumidor. (BANAT NEWS)