LRT-2, may libreng sakay sa National ID holders

MANILA, Philippines — Magpapatupad ang Light Rail Transit Line 2 (LRT-2) ng libreng sakay para sa mga National ID holders ngayong Huwebes, Oktubre 1.

Nabatid na ang lib­reng sakay ay maa­aring i-avail mula 7:00AM hanggang 9:00AM at mula 5:00PM hanggang 7:00PM sa nasabing araw.

Ipatutupad umano ng LRT-2 ang libreng sakay bilang pakikiisa sa pagdiriwang ng National Statistics Month.

Upang mai-avail ang libreng sakay, kinakailangan lamang magpakita ng pasahero ng national ID sa guwardiya ng istasyon ng tren kung saan sila sasakay.

Ang LRT-2 na pina­ngangasiwaan ng Light Rail Transit Authority (LRTA) ay bumibiyahe mula sa Recto Avenue sa Maynila hanggang sa Antipolo City.