Wanted nga dunay kasong robbery nasikop
CEBU, Philippines — Gisikop pinaagi sa warrant of arrest ang usa ka wanted person nga adunay kasong robbery.
Ang tracker team sa Danao Police Station nga ubos sa superbisyon sa ilang hepe nga si Police Lieutenant Colonel Henrix Bancoleta mao ang nagsikop kang alias Jandy, 30 anyos nga taga J. Several Street, Carreta sa Siyudad sa Sugbo.
Ang suspetsado nga ilang gidakop ang nabalhog na sa Mandaue City Jail tungod usab sa kaso sa illegal nga drugas.
Sa laing bahin duha usab ka mga pusher og shabu ang nadakpan sa kapolisan sa Cordova Police Station.
Si Police Major John Khalev Sanchez maoy nangulo sa buy bust operation nga ilang gipahigayon sa Barangay Poblacion sa maong lungsod.
Ang nadakpan giila nga sila si alyas Tanjen, 45 anyos ug alyas Oliver, 37 anyos nga pulos nagpuyo sa maong dapit.
Nasakmit nga mga ebidensiya gikan sa maong mga dinakpan ang mga gagmay nga putos sa gituohang shabu ug mga drug paraphernalia.Gitanggong karon ang duha ka dinakpan sulod sa detention cell ug giandam na kapolisan ang kaso nga paghupot ug pagbaligya sa illegal nga drugas. (BANAT NEWS)
- Latest
