10-anyos gidunggab sa uyoan

CEBU, Philippines — Gidakop sa kapolisan ang usa ka 41-anyos nga uyoan human niya matud pa gidunggab ang iyang 10-anyos nga pag-umangkon atol sa panaglalis sa ilang pamilya  kagahapon sa buntag Marso 26, 2026, diha sa dalan C. Ouano Street, Barangay Looc, Mandaue City. Si Police Lieutenant Colonel Mercy Villaro-Kantuna sa Mandaue City Police Office mibutyag nga nahitabo ni alas 5:30 a.m..

The suspek nga si alyas Chester gikatahong nakalalis ang usa ka 15-anyos nga kabanay tungod sa pagsibog niini sa higdaanan diha sa ilang balay. Matud pa nga nagkainitay og maayo ang panaglalis sa duha hangtud nga gitukmod sa 15-anyos nga suspek.

Matud pang Kantuna nasuko og maayo ang suspek, apan ang 10-anyos nga pag-umangkong lalaki niinterbiner, diha diha gikatahong gidunggab kini sa suspek diha sa likod gamit ang screwdriver.

Miresponde dayun ang mga sakop sa Police Station 5 ug gidakop ang suspek ug nakuha sab ang unom ka pulgadang screwdriver nga giingong gigamit sa pagdunggab.

Ang bata daling gidala sa iyang apohan sa Mandaue City District Hospital.

Kasong pagpanunggab uban sa paglapas sa Republic Act 7610, o Special Protection of Children Against Abuse, Exploitation and Discrimination Act ang ipasaka batok sa suspek.—Gikan sa The Freeman, IBM BANAT NEWS