P2M kadaot sa livestock sa Balamban

CEBU, Philippines — Nitala na sa kapin P2 milyones ang kadaot sa livestock sa Lungsod sa Balamban, kini ang gibutyag ni Archie Piodos, municipal engineer sa lungsod.

Matud ni Piodos nga nihatag na ug initial report ang ilang municipal agriculturist nga P2.28 milyones na ang kadaot sa livestock samtang P1 milyon ang ilang agrikultura.

Apang ang maong report sa danyos initial palang kini sa 14 ka barangay gikan sa 28 ka barangay sa lungsod.

Si Piodos nagkanayon nga nagpaabot pa sila sa dugang taho gikan na unya sa pagsusi pa sa ubang mga barangay. Dugang ni Piodos nga padayon ang ilang gihimo karon nga pagpanglubong sa mga kahayopan nga nakalas atol sa bagyong Tino human adunay pipila nga nireklamo nga baho na ang ilang mga dapit.