Namaligya’g armas nadakpan

CEBU, Philippines — Arestado ang usa ka 22-anyos nga lalaki human kini nibaligya og armas sa mga operatiba sa Criminal Investigation and Detection Group (CIDG) Mandaue City Field Unit niadtong Oktobre 16, 2025.  Giila sa kapolisan ang gidakop mao si Carlo Jay Tagotongan, atol sa buy-bust operation sa CIDG tungod sa paglapas sa Section 32 sa Republic Act 10591.

Nakuha gikan niya ang usa ka .9mm caliber pistol nga walay serial number, steel magazine, tulo ka bala sa .9mm ug ang P9,500 nga buy-bust money.

Giaresto si Tagotongan human wala makapresentar og mga legal nga papeles paghupot sa maong armas. IBM BANAT NEWS