Archival ug FTI nigama og MOA alang sa P20 nga bugas

CEBU, Philippines — Si Cebu City Mayor Nestor Archival, Sr. nigama og memorandum of agreement tali sa Food Terminal Incorporated (FTI) alang sa implementasyon sa programa sa pagbaligya og P20 nga bugas alang sa mga kabus.

Ang resolusyon nga gipangamahanan ni Konsehal Pastor “Jun” Alcover, Jr. niagi og tulo ka sesyon ug hingpit nga nipasar sa konseho niadtong Septiyembre 2025.

Si Alcover kinsa tsirman sa komitiba sa agrikultura mao ang gihangyo ni Archival nga maoy mo-sponsor sa resolusyon isip pagsuporta sa programa ni Presidente Ferdinand “Bongbong” Marcos, Jr..

Ang maong inisiyatibo nagtumong sa paghatud og baratong bugas deretso sa mga komunidad pinaagi sa panaghiusa sa Department of Agriculture (DA) ug sa FTI.

Ang kagamhanan maoy sangonan sa distribusyon samtang ang Department of Social Welfare and Services (DSWS) ug barangay officials maoy magdumala sa implementasyon sa matag barangay aron masiguro nga patas ug husto ang pag-apod-apod.

Nalatid sa MOA nga subay sa kasabotan sa kagamhanan ug sa FTI, ang nasudnong kagamhanan ug ang kagamhanan sa siyudad mohatag og P6.50 nga sabsidiya sa matag kilo sa bugas diin gikan sa P33 mahimo nalang kini nga P20 matag kilo. Usa sa mga tinguha ni Archival ug Alcover nga mapatuman na kini sa dili pa matapos ang 2025.

Saksi atol sa pinirmahay sa MOA sila si Alcover ug Benjie Clark Bala, rice program manager sa FTI Visayas. BDB BANAT NEWS