Lacson: Hugaw, dautan ug desperado
CEBU, Philippines — Gipadaplin lang ni Senate President Pro Tempore Panfilo "Ping" Lacson kagahapon, Domingo, September 14, ang post sa social media nga nangangkong adunay bag-ong kausaban sa liderato sa Senado sa umaabot nga mga adlaw.
Ang maong post, gikan sa Facebook page nga “OneTV Philippines,” mialegar nga si Senate Minority Leader Allan Peter Cayetano nakakuha og paigong boto aron molingkod isip Senate President aron hulipan ang bag-ohay pang gipili nga si Senate President Vicente "Tito" Sotto III.
Sa post ni Lacson sa social media gitawag niya kining maong post nga “fake” ug midugang sa pag-ingon: "intended to deceive and confuse."
Gihulagway niya ang nag-post nga "malevolent, underhanded, foul and desperate”o dautan, patago o tinalawan, hugaw moduwa ug desperado.
“Peke. Intended to deceive and confuse. Underestimating the intelligence of the new Senate majority bloc, nagba-baka sakaling may tumalon at magpirma,” matud pang Lacson.
Gihimug-atan ni Lacson nga kung dunay lehitimong pag-usab sa liderato sa Senado kinahanglan moagi kini tinarong ug propesyonal nga proseso.
“The proper and professional way is to call or approach the Senate president, inform and show him the resolution signed by at least 13 senators, then the sitting Senate President resigns at the opening of the session, not through a media outlet, whether nationally recognized or obscure,” dugang pa niya.
Ang maong post gipakatap pipila lamang ka adlaw human nga ang Senado nagbotohay kun kinsay mamuno kanila niadtong Septiyembre 8, diin si kaniadto Senate Minority Leader Tito Sotto mao na karoy Senate President ug giilisan si Senador Francis Escudero. — /IBM (BANAT NEWS)
- Latest
