AFP gipaubos sa red alert status
CEBU, Philippines — Gipaubos sa red alert status sa Armed Forces of the Philippines (AFP) ang pwersa niini nunot ning nagpadayong mga gilusad nga anti-corruption protests sa tibuok nasud.
Sa report sa DZBB, si AFP spokesperson Colonel Francel Margareth Padilla miingon nga gipaubos sa red alert status ang kasundalohan aron andam sila pagtabang sa Philippine National Police (PNP) kun gikinahanglan.
"This is a precautionary measure on our part. These are standard security protocols. We would like to emphasize that there is nothing to worry about," matud pa niya sa maong interbyu.
Ang AFP nag- red alert status sugod pa niadtong September 12, matud pang Padilla.
Bisan sa pagbutang sa heightened alert ang PNP miingon nga malinawon ra ug hapsay ang gipahigayong mga protesta.
Gani ang PRO-7 dinhi sa Sugbu nagpreparar og igo-igong pwersa alang sa pagpatunhay sa kahapsay ug seguridad, nakita kagahapong adlawa ang daghang mga patrolcars gikan sa nagkadaiyang kalungsoran sa probinsya sa Sugbu nga nangabot sa kampo sa Cebu City Police Office ug gituohang augmentation kini aron motabang.
Gipaabot nga karong Septiyembre 21 dunay susama nga anti-corruption protest nga pagahimuon sa nagkadaiyang grupo, apan mipasidaan ang Malacañang sa mga grupo nga dili gamiton sa ilang politikanhong interes kining protesta sa mga tawo batok kurapsyon. — /IBM (BANAT NEWS)
- Latest
