National satellite office ug training center tukoron sa norte

CEBU, Philippines — Nagplano si kongresista Sun Shimura sa cuatro distrito nga magtukod og national satellite office and training centers didto sa norte.

Gipahibalo ni Shimura pinaagi sa iyang Facebook account nga plano niya nga magbutang sa maong centers sa mainland ug sa Bantayan Island kini aron nga accessible o dali nga mahatud ang serbisyo sa gobyerno ngadto sa iyang mga konstituwente.

Saad ni Shimura nga sunod tuig niya ipatukod ang 4th District National Satellite Office and Training Center kon diin aduna usab kini buhatan sa mga national government agencies sama sa DSWD, DOLE, MARINA, DPWH, ug uban pa.

Ang maong pasilidad gipaabot nga mabutangan og multiple agencies, aron makatabang sa mga residente sa cuatro distrito aron dili na kinahanglan pa nga mobyahe og layo alang sa  pagproseso sa mga importante nga transaction.

 Plano ni Shimura nga imbitaron ang DFA ug PSA aron nga mahimong kabahin sa one-stop-shop concept sa government offices.