Batan-on gipasakay og motor gi-salvage
CEBU, Philippines — Patay ang usa ka 24- anyos nga lalake human kini gipusil sa duha ka mga wala pa mailhing tawo diha sa Barangay Basak San Nicolas, dakbayan sa Sugbo, Miyerkules sa gabii, Hulyo 23, 2025. Ang biktima mao si Judimar Luzon Abellanosa, 24, nagpuyo sa Sitio Asinan, Barangay Inayawan ning siyudad.
Matud pa ang biktima gipasakay sa mga mamumuno sa motorsiklo ug gidala sa maong lugar ug didto kini gipusil.
Ang driver sa motorsiklo nagsul-ob matud pa og t-shirt, short pants ug wala kini nag helmet samtang ang angkas nagsul-ob og sweatshirt color light green, maong pants ug naka full-faced helmet color black.
Si Police Lieutenant Colonel Maria Theresa Macatangay, Deputy City Director for Operations ug tigpamaba sa Cebu City Police Office padayon ang ilahang imbestigasyon sa maong insidente ug naa na sila'y Persons of Interest sa maong hitabo.
Nasayran nila nga kalambigitan gihapon sa illegal nga drugas ang motibo sa maong krimen. (BANAT NEWS)
- Latest
